வாழ்க்கை வட்டத்தின் சுற்றுகளில்
மேலிருந்து கீழாய்
மேலும் விழுந்ததின் தண்டனையாய்
நாடு கடத்தப்படுகிறேன்
என்னால்!
குற்றம் பார்க்கின் சுற்றம் இல்லை
கூற்று ஏற்று
பிரிவு கடிதல் வரைகிறேன் !
நிலா பார்த்தால் நான் தெரிவேன்
என்றாள் என் நிலா..
என் எல்லா நிலாக்களும்
வானம் தாண்டினார்கள்..
நான் மட்டும் நிலா பார்த்த வண்ணம் இத்தனை காலமாய்!!
இதோ இன்றே விரைந்து செல்கிறேன்!!
பெற்றோரின்,
பாசம் தாண்டி போகிறேன்
ஆசை மிச்சம் விட்டு மறைகிறேன்!
நட்பு
வட்டத்தின் சுற்றளவு தாண்டி நடக்கிறேன்
அழைக்க இயலா அரிதான தூரம் பயணிக்கிறேன்
உறவுகளின்
கூடு தாண்டி பறந்து போகிறேன்!
சொந்த வீடு வெறுத்து தொலைகிறேன்!!
விடை கொடுங்கள் என் சுற்றமே..
மீண்டும் வராத ஓர்
பயணம் செல்கிறோம் நாங்கள்!!
நாங்கள்,
நான்கு பேர் மொத்தம்...
ஒரு நான்,
ஒரு பொய்,
ஒரு வால் அறுபட்ட கனவு,
மற்றுமொரு துணையிழந்த நினைவு!
No comments:
Post a Comment