தூரமாக்கி துன்புறுத்துகிறாய்..!
நேரம் தாழ்த்தி காயம் செய்கிறாய் ..!
தினசரி முடிகையில்
இதனின் முடிவு
வேண்டுகிறேன்..!
குறுந்தகவல் எதிர்நோக்குகிறேன்..!
தொலைத்தவை கண்ட..
தொலைத்த பாவை கண்ட..
என் மனம்
வார்ப்பென உனை கண்டிட..!
வஞ்சங்கள் எங்கேனும் கண்டாயோ..
கொண்டதாய் எண்ணினால்
இக்கணம் பிரிகிறேன்..!
முழுமை அறிந்து
இவ்வாளுமை செய்வாயின்
தலைதாழ்த்தி
ஏற்றிடுவேன்..!
அறியாப்பிழை ஒன்று
என்று நானறிவேன்..!
உள்ளர்த்தம் அறிந்திடுவாய்
என்றெண்ணிய எண்ணம்
என்னைமட்டிலும் தவறு..!
மிச்சவை தரும் கோவம்
எங்கனம் சிவக்கும்..!
உன் சிரிப்பின் சிவப்பை விட..!
அறிந்திட முயல்வாய்
என்றெண்ணி -
காலம் தாழ்த்தி..
நேரம் கடத்தி..
இவ்வுறவு முடித்திட
விருப்பமில்லை..!
விரும்பவுமில்லை..!
அறிவாய் நீ இதை என அறிவேன்..!
வேண்டிய வாய்ப்புகள்
நிராகரிக்கப்பட...
வார்த்தைகளற்று
நிர்கதி ஆனேன்..!
நீ இன்றி நிர்மூலம்
ஆகிறேன்..!
உறவின் நீள அகலம்
அழகாய் நீ
அளந்த நிமிடம்
அங்கொன்றும் இங்கொன்றுமாய்
நான் சிதறி போனேன்..!
என் சிதறல்கள் கண்டும்
காணாதது போலவே
கதைக்கின்றாய்...
மெல்ல மெல்லமாய்
என்னை வதைக்கின்றாய்..!
வார்ப்பென எண்ணி வாழ்ந்தேன்
தீர்ப்பொன்று கொண்டு
உறவு தீர்த்தாயே..!
தூரமாக்கி துன்புறுத்துகிறாய்..!
நேரம் தாழ்த்தி காயம் செய்கிறாய் ..!
கோபத்தின் உச்சத்தில்
உறவு தொலைக்கிறாய்..!
வாழ்வில் தொலைகிறோம்..!
நன்றிகள் பல..!
என்றும் நட்புடன்..!
